idea s 1 Imágen o representashon ku hende ta forma den nan mente. Antiguamente tabata eksistí e idea ku mundu tabata plat. ‹sin› konsepto 2 Konosementu riba un tereno spesífiko. E shon ei tin hopi idea di plantamentu. 3 Konosementu elemental di algu. Bo no tin (niun) idea kuantu tempu trahamentu di un dikshonario ta tuma. ‹sin› noshon 4 Plan, skema, intenshon o propósito pa realisá algu. Mi no ta di akuerdo ku bo idea tokante distribushon di e produkto nobo. Mi tin idea di hasi un biahe riba un krusero otro aña. 5 Opinion o wisio formá di algu. Bo tin un idea robes di dje. 6 Kreensia o konvikshon. El a defendé su ideanan firmemente, i tòg su koleganan no a komprond’é. | idea fihoOpseshon. | Idea ta pió ku lokura. Ora u.h. hinka idea loko den su kabes, ta difísil pa sak’é. Tambe: Loko ta kura, idea nò. | kambia idea Kambia di pensamentu, rekonsiderá. Nos a kambia idea, awor nos ta bai New York. | Mi idea no a gaña mi. 1 Mi tabatin un pensamentu ku ta asina. 2 Mi tabata sa ku e kos ei lo a pasa. | Mòfi ta un para chikitu ku idea grandi, ku e por bula mes haltu ku falki. Si bo ke, bo por logra. | tin masha idea Kere ku bo ta mas ku otro.
invasivo ath 1 (bio) (Usá pa referí na mata òf bestia importá di afó.) Ku ta krese i multipliká lihé den nan ambiente nobo pa falta di enemigu natural, dominando i kabando asina ku e espesienan nativo. ‘Lion fish’ ta un piská invasivo den Laman Karibe. 2 (med) (Usá pa referí na enfermedat.) Ku ta plama lihé i penetrá tehido ku ta den su bisindario. E tumor den su pechu a resultá invasivo i a plama den su kurpa. 3 (med) (Usá pa referí na un prosedimentu, sea pa diagnostiká òf pa kura.) Ku ta penetrá kurpa ku p.e. angua, sonda, endoskopio òf via un kòrtá. Awendia siruhanonan ta partidario di operashon minimalmente invasivo.