E Dikshonario Splikativo Papiamentu akí ke logra e siguiente ophetivo:
- Laga tur usadó di papiamentu en general i komunidat di Kòrsou en partikular tuma nota di definishon òf splikashon di nifikashon i ehèmpel di uso di mas di 20.000 palabra papiamentu na papiamentu mes pa medio di un dikshonario úniko.
- Fungi pa usadó nativo i pa strañero komo fuente di informashon pa dominio reseptivo i produktivo di papiamentu ku definishon, splikashon i ehèmpel di uso kla i komprendibel di entradanan relevante i interesante di papiamentu, inkluso palabra komponé, ekspreshon i proverbio.
- Sirbi di sosten didáktiko pa maestro- i dosentenan di papiamentu na tur nivel di enseñansa i pa tur ku ta òf ta bai studia papiamentu.
- Bira base i fuente di inspirashon pa dikshonario bilingual i multilingual, ku tin papiamentu komo un di e lenganan.