j (pronun. ye) s 1 Di dies lèter di álfabèt papiamentu. 2 Den ortografia fonológiko di papiamentu ta usa ‘j’ solamente den kombinashon ku ‘d’ i ‘z’ pa forma dos di e kuater dígrafonan di papiamentu: ‘dj’, den p.e. djispou i ‘zj’, den p.e. zjozjolí.
E ta paresé den palabra strañero, nòmber geográfiko i nòmber propio strañero ku a adoptá den papiamentu, hopi bia ku pronunsiashon di e lenga strañero konserniente, manera den ‘jazz’, ‘jetlag’, ‘jingle’, ‘joyride’, ‘Jersey City’, ‘Jacinta’, ‘Jorge’, ‘Jan’. Nòmber di kariño sí ta adaptá na ortografia di papiamentu: Yeta, Yuya (di Julieta i Julia). Den konteksto di lei, ta usa ‘j’ pa indiká insiso i párafo di artíkulo. Ta usa ‘j’ e.o. tambe den físika komo símbolo pa ‘joule’, unidat pa midi energia.
jingle s (ing) 1 Kantika i/òf melodia kòrtiku, komponé pa hala atenshon i promové produkto, servisio òf kousa, i ku pa su efikasia, hende ta keda kòrda fásilmente.