yabi s 1 Opheto, generalmente di metal, ku ta sirbi pa habri i sera kandal òf lòk. Den mi tas mi tin yabi di kas, yabi di outo i yabi di e pikòp. 2 Opheto, generalmente di metal, pa duna oloshi òf otro opheto kuèrdè, tambe pa start un motor. Ken a mira e yabi pa duna e oloshi kuèrdè? Mi a pèrdè e yabi pa duna e pòpchi kuèrdè pa pon’é balia. Mi outo a bini ku su yabi original i unu di reserva. 3 (fig) Kualke medio ku por sirbi pa solushoná, deskubrí òf logra algu. Un bon tayó di guiambo ta e yabi pa mi yega na su kurason. 4 (mús) Signo na kuminsamentu di un pèntagram pa indiká nòmber di e notnan. Yabi di do/C, yabi di fa/F, yabi di sòl/G. ‹sin› klave | Flohedat ta yabi di pobresa. Flohera ta kondusí na tur sorto di maldat. | na yabi 1 Será na lòk òf na kandal. 2 (fig) Ekspreshon ku ta enserá un promesa pa no revelá algu òf un prohibishon pa revelá algu. Anakleta mes a primintí ku pa loke ta tal asuntu, su boka ta na yabi. Su boka ta na yabi; el a hura ku lo e no divulgá tal sekreto. | Plaka ta yabi ku ta habri tur porta. Segun e dicho akí, ku plaka por logra tur kos. | yabi di kaha di morto Amuleto den forma di un yabi chikitu, generalmente di oro, pa pasa den kadena di yu chikí ku nase ku un bena visibel riba e wesu ku ta uni su alanan di nanishi, ku e deseo pa por lo pronto su kaha di morto keda será. | yabi di libertat (fig) Medio ku ta kondusí na libertat. | yabi di santana 1 Yabi di e porta prinsipal di santana katóliko ku den tempu bieu tabata entregá doño di morto, si e defuntu tabata digno pa der’é den tera bendishoná. E tempu ei tabata paga 30 sèn pa yabi di santana. 2 Nòmber pa e suma ku tin di paga pa habri santana pa un entiero tuma lugá. | yabi ingles Hèrmènt ku por ahustá na diferente midí pa por tait òf lòs mur i bout. Tambe: yabi verstèlbar.
yalurs ath ‹var› yalus 1 Referente na un sintimentu di inseguridat i miedu debí na sospecho di un posibel o supuesto atenshon o afekto ku un ser kerí tin pa un otro persona. Mi bisiña tin tur derecho di ta yalurs, pasobra awor el a haña sa sigur ku su kasá ta kòrta su orea. 2 Referente na sintimentu di envidia ku ta provoká e deseo di tin, logra o disfrutá di algu ku otro hende tin o ta gosa di dje i ku abo mes no tin, ni por. E ruman mayó ta yalurs ku su ruman chikí sí a gradua na universidat, i e no. E ta yalurs, pasobra su primu a kumpra un outo nobo.
yalus ath Mira: yalurs