zèpelin s ‹var› sepelin 1 Tipo di aironave elíptiko, yená ku un gas mas liviano ku airu, inventá pa e konde aleman Ferdinand von Zeppelin, pionero di desaroyo di aironave na prinsipio di siglo XX. Durante Promé Guera Mundial, Alemania a hasi uso ekstenso di zèpelin komo aironave eksploradó o bombardero. 2 (ant) Moneda firkant ku balor di sinku sèn. ‹sin› skapadepchi, stùiver, locha
zoya ( ¯´ _ ) s 1 Moda erótiko di kana di muhé, sea di naturalesa o konsientemente, moviendo hep rítmikamente di forma provokativo. E zoya di Chichi tabata atraé bista di tur hòmber. | Boka mester hasi zoya. Si bo ta muchu modesto, bo no ta logra nada. Tambe: Ta si bo hasi pregunta, bo ta siña. | manda zoya Kana move hep di manera sensual ku e propósito di provoká. Na e píknik, Dora tabata manda zoya pa su atmiradónan gos’é.
zoyá s 1 Estilo ku hende (muhé) ta kana zoya hep. Ritmo di Bélkis su zoyá tabatin Chebu loko. | Kada tambú tin su yorá, kada muhé tin su zoyá i kada bida tin su andá. Mundu ta un komedia, kada ken ta hunga su ròl i haña su parti.